به گزارش مجاهدت از خبرنگار دفاع‌پرس از ارومیه، «علی امامی» از شاعران آئینی و انقلابی آذربایجان غربی جدیدترین سروده خود را به مناسبت عید سعید غدیر خم به زبان ترکی آذری منتشر کرد که در ادامه می خوانید.
بویوک آللاه غدیر ده بارلی آغاج اکیبدیر
اونون الوان رسمینی اوره کلره چکیبدیر
دوه لرین جهازی بیر داغ اولدو غدیر ده
منافقه داغ اولدو، رنگی سولدو غدیر ده
ولی الله چیخاندا بویوک داغین اوستونه
رسول سپدی عطیری گوزل باغین اوستونه
گوسترنده پیغمبر عشقین گوزل جمالین
آرتیق تانیدی امت اونون سایسیز کمالین
اوره کلره اگلشدی اوره گیندن چیخان سوز
حقیقتین نورونو باخدی گوردو مین لر گوز
تامام اولدو مومنه غدیر گونو نعمت لر
ایاغینا دوشندی گول چیچکلی جنت لر
فتنه اهلی داندیلار ولی نین سوزلرینی
درین قویولار بیلدی علی نین سوزلرینی
کعبه نین مولودونا نقشه چکدی ظالملر
فتنه نین توخومونو کین له اکدی ظالملر
حقیقتین پرچمی بوترابین الینده
قرآنین آیه لری یاتیب گوزل دیلینده
عشقین آدی باشلانیر بیر یا علی دئینده
غدیرین خطبه سینه امت بلی دئینده
ولایت ایله قرآن قاناددیلار اوچماغا
اسلامین بیرقینی زیروه لره ساچماغا
کلیمین آیه لری حیدرین قدرتی دیر
عاشیقلارین مئی لری کوثرین شربتی دیر
ولایتی اولمایان یئته بیلمز زیروه یه
گوندوز یولو ایتیرر دوشنده بیر فتنه یه
عاشیقلارین قبرینه ایشیق سالار ولایت
یامان گونده عاشیقین دردین آلار ولایت
انتهای پیام/
این مطلب به صورت خودکار از این صفحه بارنشر گردیده است
